Mishto avilen!
Kado portalo si anda sa e 60 centrumura so den zor e terne dzuvlange ando Shvedo. Kathe tu shaj te pushes pushimata, te kontaktujs jekh zurearimasko centrumo vaj te ginaves pala sa e tematura katar anorexia dzi ke masturbacija ando Tjejguiden (E Shejango Gido).
Sa e informacija pa web-site bibahtales na-j boldi ande Romani shib. Tu san, sa jekh, dragone ilesa akhardi te kontaktujs jekh centrumo so del zor e terne dzuvlange, ale ame nashti te das tut e garancija ke varekon dzanel Romanes kothe.
So si jekh centrumo so del zor e terne dzuvlange?
Jekh centrumo so del zor e terne dzuvlange si jekh organizacija saveake cilura si te den zor e terne dzuvlan. E dzuvla keren buki ko centrumo bi te pokinel pes thaj den dzutori vorbasa, pa e-mail vaj pa telefono. E centrumura save den zor e terne dzuvlan si butivar cikne, si len than anda jekh komputeri, jekh telefono thaj shaj jekh sofa thaj varesave skamina.
Varesave centrumura save den zor e terne dzuvlan, sa kade organizujn milajeske kampura, diskusijake grupi thaj workshopura ande shkoli.
Svako jekh savi hakijarel pes jekh terni dzuvli shaj te avel ke le centrumura save den zor e terne dzuvlen kana si len gindura thaj idei – bare vaj cikne. Svakojekh si profesionalno obligime te inkerel garado so phenel pes, thaj tu shaj te ashes absolutno anonimo.
But anda e terne dzuvla save kontaktujn kadala centrumura hakijaren pes bibahtale ande maj but felura. Averenge shaj trebul varekon kasa te vorbin pala kodo so kerde kodo ges ando shkola, vaj shaj kamen te dzanen vareso pa sex vaj lenge trupura.
Kodola amendar save keren buki ke kadala centrumura chi sam ekspertura vaj profesionalno konsilierura/so den sfato, ale ameshunas thaj das zor tut kade but sode shaj. Ame sa kade shaj das tut varesave idei katar aver lashe thana so shaj te kontaktujs – vaj te dzas tusa kana kames te rovleares tut ke policija.
So si kadi rig?
Kadi rig si anda svako jekh savi hakijarel pes sar jekh terni dzuvli thaj savean si lan mashkar 12 thaj 20 bersh. Sa kade si anda e familija terne dzuvleangi vaj svakonejekheske savo kamel te dzanel pala o mishkipe katar e centrumura save den zor e terne dzuvlan.
Tjejjouren.se si jekh drom sar shaj resel pes ke sa e terne dzuvla saven trebul jekh centrumo savo del zor e terne dzuvlen. Kado aplikil pes vi e terne dzuvleange save trajn ande jekh foro kaj na-j inke jekh kasavo centrumo. Ame dzanas ke trebul te avel amari rig soske si statistike save sikaven ke jekh baro gin terne dzuvleango si ande phari situacija.
Kames te hamis tut?
Si butivar maj lokhes te sikaves so hakijares, te pushes pushimata thaj te phenes so gindis ande ki shib. Anda kodo, amenge trebul maj but dzuvla te keren buki ande amare centrumura save den duma Romanes. Kontaktujsar o centrumo so si maj pashe tuke kash te aves hamime.